સન્મતિ જ્ઞાનવર્ધક ધાર્મિક મેળાનું અમદાવાદમાં પ્રથમવાર આયોજન

ગુજરાત, અમદાવાદ | ૨૫ ઓગસ્ટ ૨૦૨૫: જૈન ધર્મ અને આધ્યાત્મિકતાના પ્રસાર-પ્રચાર માટે “અમદાવાદ આધ્યાત્મિક વર્ષાયોગ 2025” અંતર્ગત, અમદાવાદમાં ઇતિહાસમાં પ્રથમ વખત “સન્મતિ જ્ઞાનવર્ધક ધાર્મિક મેળા”નું ભવ્ય આયોજન કરવામાં આવ્યું હતું. આ ધાર્મિક મેળાનું ઉદ્ઘાટન અને શુભારંભ સન્મતિ શમોશરણ અને સાહુ શરણમ, ગુજરાત યુનિવર્સિટી ઇન્ડોર સ્ટેડિયમ ખાતે થયું. આ પવિત્ર પ્રસંગે પ્રાકૃત પ્રભાકર આચાર્ય શ્રી સુનિલસાગરજી મહારાજ અને તેમના 65 શિષ્યો સહિત પૂજ્ય સંતોની ગરિમામય ઉપસ્થિતિ રહી હતી, જેને આ મેળાને વધુ ભવ્ય બનાવ્યો હતો.

કાર્યક્રમના મુખ્ય અતિથિ તરીકે આદરણીય શ્રી જગદીશભાઈ પંચાલ સાહેબ, મંત્રી શ્રી – સહકાર, મીઠા ઉદ્યોગ, છાપકામ અને લેખન સામગ્રી, પ્રોટોકોલ(તમામ સ્વતંત્ર હવાલો), લઘુ, સૂક્ષ્મ અને મધ્યમ ઉદ્યોગ, કુટિર, ખાદી અને ગ્રામોદ્યોગ, નાગરિક ઉડ્ડયન (રાજ્યકક્ષા) ગુજરાત રાજ્ય, ઉપસ્થિત રહ્યા હતા.

મેળાની મુખ્ય વિશેષતાઓ:

• ધાર્મિક પ્રદર્શનીઓ: જૈન ધર્મ અને તેની સમૃદ્ધ સંસ્કૃતિને પ્રદર્શિત કરતી વિશેષ પ્રદર્શનીઓનું આયોજન કરવામાં આવ્યું હતું.
• જૈન ફૂડ ઝોન: મુલાકાતીઓ માટે વિવિધ પ્રકારના શુદ્ધ અને સ્વાદિષ્ટ જૈન વ્યંજનો ઉપલબ્ધ હતા.
• જ્ઞાનવર્ધક કાર્યશાળાઓ: જૈન ધર્મ અને દર્શનને ઊંડાણપૂર્વક સમજવા માટે જ્ઞાનવર્ધક કાર્યશાળાઓનું આયોજન કરવામાં આવ્યું હતું.
• ગેમ ઝોન અને પ્રવૃત્તિઓ: બાળકો અને યુવાનો માટે મનોરંજન અને જ્ઞાન સાથેની રમતો અને પ્રવૃત્તિઓનું આયોજન કરવામાં આવ્યું હતું.

આ મેળાનો મુખ્ય ઉદ્દેશ્ય લોકોને જૈન ધર્મના સિદ્ધાંતો, મૂલ્યો અને સંસ્કૃતિથી અવગત કરાવવાનો હતો.

આ મેળાનો મુખ્ય ઉદ્દેશ્ય બાળકો, વિદ્યાર્થીઓ, યુવાનો અને વડીલો – સૌ કોઈ માટે જ્ઞાન અને આનંદનું અદ્ભુત સંયોજન પૂરું પાડવાનો હતો.