ઝોડિયાક એનર્જી લિમિટેડ – Q1 FY27માં મજબૂત નાણાકીય કામગીરી

અમદાવાદ, ગુજરાત | ૧૩ ઓગસ્ટ ૨૦૨૬ | સોલાર એનર્જી ક્ષેત્રમાં કાર્યરત ઝોડિયાક એનર્જી લિમિટેડ એ નાણાકીય વર્ષ 2026-27ના પ્રથમ ત્રિમાસિક ગાળામાં (Q1 FY2027) મજબૂત નાણાકીય કામગીરી નોંધાવી છે. Q1 FY2027 દરમિયાન કંપનીનું વેચાણ ₹141.81 કરોડ રહ્યું હતું, જે Q1 FY2026ના ₹98.05 કરોડની સરખામણીએ 44.63%નો વાર્ષિક વધારો દર્શાવે છે. EBITDA ₹15.61 કરોડ રહ્યું હતું, જ્યારે અગાઉના વર્ષના સમાન ત્રિમાસિક ગાળામાં તે ₹9.73 કરોડ હતું, એટલે કે 60.41%નો વધારો નોંધાયો છે. EBITDA માર્જિન પણ 9.93%થી વધીને 11.01% થયું છે.

કંપનીએ Q1 FY2027 દરમિયાન ₹7.00 કરોડનો PAT નોંધાવ્યો છે, જે Q1 FY2026ના ₹2.63 કરોડની સરખામણીએ 165.59%નો નોંધપાત્ર વાર્ષિક વધારો છે. PAT માર્જિન પણ 2.69%થી વધીને 4.94% થયું છે. કંપની દ્વારા જાહેર કરાયેલા નાણાકીય પરિણામો અનુસાર, આ ત્રિમાસિક ગાળામાં સ્ટેન્ડઅલોન Profit After Tax ₹7.02 કરોડ અને કન્સોલિડેટેડ Profit After Tax ₹7.00 કરોડ રહ્યું છે.

કુંજ શાહ, ચેરમેન અને મેનેજિંગ ડિરેક્ટર, ઝોડિયાક એનર્જી લિમિટેડ, એ જણાવ્યું હતું કે, “નાણાકીય વર્ષ 2026-27ના પ્રથમ ત્રિમાસિક ગાળામાં નોંધાયેલી મજબૂત કામગીરીથી અમે ખુશ છીએ. આવક, EBITDA અને PATમાં નોંધપાત્ર સુધારો અમારી બિઝનેસ વ્યૂહરચના, અમલીકરણ ક્ષમતા અને રિન્યુએબલ એનર્જી ક્ષેત્રમાં વધતી તકોની મજબૂતી દર્શાવે છે. PATમાં 165%થી વધુનો વધારો તેમજ EBITDA અને PAT માર્જિનમાં સુધારો ખાસ કરીને ઉત્સાહજનક છે.

અમે અમારા સોલાર પ્રોજેક્ટ્સના અમલીકરણની ક્ષમતાને વધુ મજબૂત બનાવવા, પ્રોજેક્ટ પોર્ટફોલિયોનો વિસ્તાર કરવા અને ઓપરેશનલ કાર્યક્ષમતામાં સુધારો કરવા પર ધ્યાન કેન્દ્રિત કરી રહ્યા છીએ. રિન્યુએબલ એનર્જી અને એનર્જી સ્ટોરેજ ક્ષેત્રમાં સતત વધી રહેલી માંગને ધ્યાનમાં રાખીને અમને આગળ નોંધપાત્ર તકો દેખાઈ રહી છે અને લાંબા ગાળે ટકાઉ તથા નફાકારક વૃદ્ધિ હાંસલ કરવા માટે અમે પ્રતિબદ્ધ છીએ.”

### સોલાર PV, EPC અને એનર્જી સ્ટોરેજ બિઝનેસ મુખ્ય વૃદ્ધિદાતા

કંપનીના સોલર પીવી મોડ્યુલ્સ એન્ડ ઇપીસી કોન્ટ્રાક્ટસ સેગમેન્ટે સેગમેન્ટે Q1 FY2027 દરમિયાન ₹137.86 કરોડની આવક નોંધાવી હતી, જ્યારે જનરેશન ઓફ પાવર  સેગમેન્ટે ₹5.01 કરોડનું યોગદાન આપ્યું હતું.

સોલર પીવી મોડ્યુલ્સ એન્ડ ઇપીસી કોન્ટ્રાક્ટસ સેગમેન્ટે ત્રિમાસિક ગાળામાં ₹10.35 કરોડનું સેગમેન્ટ પરિણામ નોંધાવ્યું હતું, જ્યારે Generation of Power સેગમેન્ટનું સેગમેન્ટ પરિણામ ₹1.21 કરોડ રહ્યું હતું.

બોર્ડે 13 ઓગસ્ટ, 2026થી ઉમાપુત્ર સોલર પ્રોજેક્ટ એલએલપી અને  કૃપાળુ સોલર પ્રોજેક્ટ એલએલપીમાં 98% માલિકી હિસ્સો* મંજૂર કર્યો છે. જ્યારે ગોવિંદ સોલર એલએલપી અને  હરિકૃષ્ણા સોલર એલએલપીમાં કંપનીનો હિસ્સો 15%થી વધારીને 98% કરવામાં આવ્યો છે.

બોર્ડે FY2025-26 માટે પ્રસ્તાવિત ₹0.75 પ્રતિ શેરના અંતિમ ડિવિડન્ડ માટે 16 સપ્ટેમ્બર, 2026ને રેકોર્ડ ડેટ તરીકે નક્કી કરી છે. આ ડિવિડન્ડ 23 સપ્ટેમ્બર, 2026ના રોજ સવારે 11:30 વાગ્યે યોજાનારી 34મી Annual General Meeting (AGM)માં શેરહોલ્ડરોની મંજૂરીને આધીન રહેશે.

Q1 FY2027 દરમિયાન કંપનીએ પોતાના Employee Stock Option Plan હેઠળ પાત્ર કર્મચારીઓને ₹10ની ફેસ વેલ્યુ ધરાવતા કુલ 28,043 ઇક્વિટી શેર ફાળવ્યા છે.

== સમાપ્ત ==