શિસ્ત કેળવીને સફળતા ટકાવી રાખો: સુશાંત દાસ, ટાટા સ્ટારબક્સના CEO

MICAનો 31મો પદવીદાન સમારોહ: કલ્પનાના યુગ માટે સર્જનાત્મક નેતાઓ તૈયાર કરવાનું મિશન

અમદાવાદ, ગુજરાત | ૦૪ એપ્રિલ ૨૦૨૬ — વ્યૂહાત્મક માર્કેટિંગ અને કોમ્યુનિકેશન માટે ભારતની અગ્રણી સંસ્થા MICA – ‘ધ સ્કૂલ ઓફ આઈડિયાઝ’ દ્વારા 2026 ની બેચ માટે 31મો પદવીદાન સમારોહ યોજવામાં આવ્યો હતો, જેમાં 255 વિદ્યાર્થીઓએ પદવી મેળવી હતી. આ પ્રસંગ શૈક્ષણિક શ્રેષ્ઠતા અને યાદગાર પુનઃમિલન સમાન હતો, કારણ કે મુખ્ય અતિથિ અને સંસ્થાના ડાયરેક્ટર બંને 1996 ની બેચના ભૂતપૂર્વ વિદ્યાર્થીઓ હતા.

ટાટા સ્ટારબક્સ પ્રાઈવેટ લિમિટેડના CEO અને MICA ના ભૂતપૂર્વ વિદ્યાર્થી (બેચ 1994-1996) સુશાંત દાસે  ‘સ્પાર્ક્સ ઓફ એક્સેલન્સ’ (શ્રેષ્ઠતાના તણખા) વિષય પર પ્રેરણાદાયી વક્તવ્ય આપ્યું હતું. ઉદ્યોગ જગતના ત્રણ દાયકાના અનુભવને આધારે, ડૅશે AI-સંચાલિત યુગમાં વ્યાવસાયિક સફર માટે વ્યવહારુ માર્ગદર્શન પૂરું પાડ્યું હતું. તેમણે ભાર પૂર્વક જણાવ્યું કે બુદ્ધિશાળી હોવું એ માત્ર શરૂઆત છે, પરંતુ કાયમી સફળતા ચરિત્ર પર આધારિત છે. તેમણે કહ્યું, “ટેલેન્ટ સામાન્ય છે, પરંતુ સંકલન (alignment) દુર્લભ છે; શ્રેષ્ઠતા એ ટીમ વર્ક છે. ક્ષણિક સફળતાના તણખા પાછળ દોડો એ મહત્વનું છે, પણ શિસ્ત કેળવો કારણ કે તે જ સફળતાને ટકાવી રાખશે. કારકિર્દીના શરૂઆતના વર્ષોમાં પ્રતિષ્ઠા કરતા ‘હેતુ’ (purpose) ને વધુ મહત્વ આપવા તેમણે વિદ્યાર્થીઓને પ્રોત્સાહિત કર્યા. સમસ્યાઓના ઉકેલમાં જટિલતાને બદલે સરળતા અપનાવવા પર ભાર મૂકો.” તેઓએ માનવીય કૌશલ્ય: AI ના જમાનામાં યોગ્ય નિર્ણય લેવાની ક્ષમતા (sound judgment) ને તેમણે સૌથી મહત્વનું માનવીય કૌશલ્ય ગણાવ્યું. આ સાથે વિચારધારા (0 થી 1) થી લઈને સખત અમલીકરણ (1 થી 100) ના મહત્વને સમજાવ્યું.

કુલ 255 સ્નાતકોને પદવી એનાયત કરવામાં આવી

* PGDMC: 152 વિદ્યાર્થીઓ

* PGDM: 49 વિદ્યાર્થીઓ

* CCC: 48 વિદ્યાર્થીઓ

* FPM: 6 સ્કોલર્સ

MICA ના ડાયરેક્ટર અને CEO જયા દેશમુખે ‘MICA લેન્સ’  રજૂ કર્યો

MICA ના ડાયરેક્ટર અને CEO સુશ્રી જયા દેશમુખે સંસ્થા માટે એક નવું વિઝન રજૂ કર્યું. તેમણે ‘MICA લેન્સ’ રજૂ કર્યો જે 5Cs: ક્રિએટિવિટી, કલ્ચર, કોમ્યુનિકેશન, કોમર્સ અને કોમ્યુનિટી પર આધારિત છે. તેમણે સ્નાતકોને યાદ અપાવ્યું કે ‘વિકસિત ભારત’ ના રાષ્ટ્રીય લક્ષ્યમાં તેમનો મોટો ફાળો છે.

સંસ્થાની અન્ય સિદ્ધિઓ:

* નવો અભ્યાસક્રમ જેમાં પાંચ નવી સ્પેશિયલાઈઝેશનનો સમાવેશ થાય છે.

* ‘AI ઈન્ડિયા ઈમ્પેક્ટ સમિટ 2026’ માં સહભાગીતા.

* ભારત સરકાર સમર્થિત ઈન્ડિયન ઈન્સ્ટિટ્યૂટ ઓફ ક્રિએટિવ ટેક્નોલોજીસ (IICT) સાથે જોઈન્ટ માસ્ટર્સ પ્રોગ્રામ માટે કરાર.

* ફેકલ્ટી દ્વારા 53 શૈક્ષણિક પ્રકાશનો અને 3 પેટન્ટ મેળવવામાં આવી છે.

પ્લેસમેન્ટના આંકડા

સંસ્થાએ પ્લેસમેન્ટમાં પણ મજબૂત દેખાવ કર્યો છે. સમર પ્લેસમેન્ટમાં ભરતી કરનાર કંપનીઓમાં 31% નો વધારો થયો છે. ફાઈનલ પ્લેસમેન્ટમાં 130 થી વધુ કંપનીઓએ ભાગ લીધો હતો, જેમાં ગુગલ (Google) દ્વારા સૌથી વધુ ₹45.67 LPA નું પેકેજ આપવામાં આવ્યું હતું. CCC પ્રોગ્રામમાં પણ 47 વિદ્યાર્થીઓને 27 કંપનીઓ દ્વારા ઈન્ટર્નશિપની ઓફર મળી છે.