ઈન્ડિયન ઓઈલ યુટીટી સિઝન-6: વર્લ્ડ નંબર-12 બર્નાડેટ સઝોક્સને હરાવી જયપુર પેટ્રિઓટ્સની 8-7થી રોમાંચક જીતમાં શ્રીજા અકુલા ઝળકી

અમદાવાદ ૫ જૂન ૨૦૨૫: ભારતીય ટેબલ ટેનિસ સ્ટાર શ્રીજા અકુલા એ ઈન્ડિયન ઓઈલ અલ્ટિમેટ ટેબલ ટેનિસ સિઝન-6માં ગુરુવારે અત્યારસુધીની સિઝનમાં સૌથી મોટી જીત મેળવી. તેણે વર્લ્ડ નંબર 12 એવી બર્નાડેટ સઝોક્સને હરાવી જયપુર પેટ્રિયોટ્સને યુ મુમ્બા ટીટી સામે 8-7થી રોમાંચક જીત અપાવી હતી.

જયપુરે મેચમાં શાનદાર શરૂઆત કરી ને કનક ઝા એ લિલિયન બર્દેને 2-1 (11-6, 7-11, 11-9)થી હરાવી તેને સિઝનની પ્રથમ હાર આપી. જે પછી શ્રીજા અકુલા એ સઝોક્સને આત્મવિશ્વાસથી ભરપૂર નિર્ણાયક ગેમમાં હરાવી તરખાટ મચાવ્યો હતો. તેણે 2-1 (11-9, 8-11, 11-5)થી જીત મેળવી હતી. જોકે, સઝોક્સ અને આકાશ પાલની જોડીએ મિક્સ્ડ ડબલ્સમાં 3-0 (8-11, 6-11, 6-11)ની જીત સાથે યુ મુમ્બાને મેચમાં કમબેક કરાવ્યું હતું. જે પછી જીત ચંદ્રા એ આકાશ પાલ વિરુદ્ધ શાનદાક કમબેક કરતા ગોલ્ડન પોઈન્ટ સાથે બીજી ગેમ જીતી અને ટાઈ બરાબરીએ પહોંચાડી હતી. તેણે 2-1(5-11, 11-10, 11-7)થી જીત મેળવી હતી. નિર્ણાયક મેચમાં બ્રિટ ઈયરલેન્ડે યુવા યશસ્વિની ઘોરપડેને 2-1 (11-7, 11-4, 7-11)થી હરાવી જયપુરને 8-7થી જીત અપાવી હતી, જોકે- તે અંતિમ ગેમ હારી હતી. આકાશ પાલ અને બર્નાડેટ સઝોક્સને દમદાર ડબલ્સ પ્રદર્શન માટે અનુક્રમે ઈન્ડિયન પ્લેયર ઓફ ધ ટાઈ અને વિદેશી પ્લેયર ઓફ ધ ટાઈનો એવોર્ડ જીત્યો હતો. જીત ચંદ્રા એ શૉટ ઓફ ધ ટાઈનો એવોર્ડ જીત્યો હતો.