Aajna Samachar
કેરળ | ૧૨મી ઓગસ્ટ ૨૦૨૬ | જાવા યેઝદી મોટરસાયકલ દ્વારા તાજેતરમાં રજૂ કરાયેલી 2026 યેઝદી રેન્જમાં ઓલિમ્પિક મેડલ વિજેતા અને ભારતીય હોકી ટીમના ભૂતપૂર્વ કેપ્ટન પીઆર શ્રીજેશ ભારતમાં નવી યેઝદી ગ્રીન માંબા રોડસ્ટરની ડિલિવરી મેળવનાર પ્રથમ ગ્રાહક બન્યા હોવાથી કંપનીએ એક મહત્વપૂર્ણ સીમાચિહ્ન હાંસલ
કર્યું છે.
કેરળમાં તાજેતરમાં રાષ્ટ્રીય સ્તરે તેનું લોન્ચિંગ કરવામાં આવ્યું હતું. હવે, શ્રીજેશ ગ્રીન મામ્બા રોડસ્ટરની અનોખી સ્ટાઇલ અને કમાન્ડિંગ રોડ હાજરીથી આકર્ષાયા છે. સ્થિતિસ્થાપકતા, આત્મવિશ્વાસ અને પડકારજનક માનસિકતાથી પરિભાષિત કારકિર્દી ધરાવતા ખેલાડી માટે યેઝદી રોડસ્ટર સહજ રીતે યોગ્ય સાબિત થઈ છે.
વિશિષ્ટ મેટ-ગ્રીન શેડમાં તૈયાર કરવામાં આવેલી અને સાથે ક્વિલ્ટેડ અરેબિકા-બ્રાઉન સીટ અને સિગ્નેચર કોપર ડેકલ્સ ધરાવતી, ગ્રીન મામ્બા રોડસ્ટર બાઇક એવી રીતે ડિઝાઇન કરવામાં આવી છે કે રસ્તા પર પોતાની અલગ ઓળખ ઉભી કરી શકે. છ-સ્પીડ ગિયરબોક્સ, આસિસ્ટ-એન્ડ-સ્લિપર ક્લચ, ABS અને મોડ્યૂલર સીટિંગથી સજ્જ 334-cc લિક્વિડ-કૂલ્ડ Alpha2 એન્જિનથી ચાલતી આ મોટરસાઇકલમાં આધુનિક ક્ષમતાનું બોલ્ડ સંમિશ્રણ છે જે યેઝદીનો સદાકાળ નિર્ધારિત વારસો પ્રતિબિંબિત કરે છે.
શ્રીજેશ ગ્રીન મામ્બા રોડસ્ટરના પ્રથમ ગ્રાહક બન્યા હોવાથી યેઝદીના મજબૂત પરિવારમાં વધુ એક સીમાચિહ્ન ઉમેરાયું છે. વિસ્તરી રહેલા રિટેલ નેટવર્ક અને બાઇકસવારોના વ્યાપક થઈ રહેલા સમુદાયના સમર્થન સાથે, યેઝદી ભારતના ઝડપથી વિકસી રહેલા મધ્યમ-ક્ષમતાવાળા મોટરસાઇકલ સેગમેન્ટમાં પોતાની હાજરીને મજબૂત કરવા પર ધ્યાન કેન્દ્રિત કરે છે.
પી.આર. શ્રીજેશે આ પ્રસંગે બોલતા કહ્યું હતું કે, “હું હંમેશા માનું છું કે મેદાનની બહારનું જીવન એટલું જ મહત્વનું છે જેટલું મેદાન પર છે. કોચીમાં લોન્ચિંગ સમયે મેં યેઝદી ગ્રીન મામ્બા રોડસ્ટર બાઇક જોઈ ત્યારે મારી નજર તેના પર અટકી ગઈ; તેની ડિઝાઇન, લાક્ષણિકતા અને અંદાજમાં કંઈક એવી લાગણી આવતી હતી જે મારી સાથે જોડાયેલી છે. યેઝદી એક એવો વારસો ધરાવે છે જેના વિશે પેઢી દર પેઢી રાઇડર્સ વાત કરે છે અને હું તે કહાનીનો ભાગ બનવા માંગતો હતો. આ મોટરસાઇકલ તમને એવી વસ્તુઓ હાંસલ કરવાનું યાદ અપાવે છે જેના તરફ તમે આકર્ષિત થાઓ છો, પછી ભલે તે મેદાન પર હોય, રસ્તા પર હોય કે જીવનમાં હોય.”
ક્લાસિક લિજેન્ડ્સના સહ-સ્થાપક અનુપમ થરેજાએ જણાવ્યું હતું કે, “રોડસ્ટર આજે યેઝદીને પરિભાષિત કરતી દરેક બાબતને રજૂ કરે છે: બોલ્ડ દેખાવ, આત્મવિશ્વાસ અને પડકાર ઝીલવાની ભાવના. અમને એ વાતનો આનંદ છે કે શ્રીજેશ જેવા સ્પોર્ટ્સ આઇકોને આ બાઇકના પ્રથમ ગ્રાહક બનવાનું પસંદ કર્યું છે. તેમની જીવનયાત્રા મક્કમતા, હિંમત અને આત્મવિશ્વાસને પ્રતિબિંબિત કરે છે, જે અમારી બ્રાન્ડનો ઊંડે સુધી પડઘો પાડે છે. જેમ જેમ 2026ની રેન્જ દેશભરના રાઇડર્સ સુધી પહોંચવા લાગી છે, તેમ આ મૂલ્યોને ખરેખર આત્મસાત કરનાર વ્યક્તિ સાથે રોડસ્ટરની સફર શરૂ થતી જોવી રોમાંચક છે.”
પી.આર. શ્રીજેશ ગ્રીન મામ્બા રોડસ્ટરની ડિલિવરી લેનારા પ્રથમ ગ્રાહક બન્યા પછી, યેઝદીની 2026 રેન્જની ડિલિવરી હવે સમગ્ર ભારતમાં શરૂ કરવામાં આવી છે.
== સમાપ્ત ==