Aajna Samachar
ગાંધીનગર, ગુજરાત | ૧૭ માર્ચ ૨૦૨૬ — ગુજરાત સરકારના ઉચ્ચ અને ટેકનિકલ શિક્ષણ રાજ્યમંત્રી ત્રિકમભાઈ છાંગા દ્વારા વિદિત શર્મા, યુથ એમ્બેસેડર – ગુજરાત સરકારને “Mind Strong Gujarat” અભિયાનના પ્રથમ તબક્કાની સફળતા બદલ અભિનંદન પાઠવવામાં આવ્યા છે.
આ અભિયાન હેઠળ વિદિત શર્માએ ગુજરાતની 35થી વધુ યુનિવર્સિટી અને કોલેજોમાં જઈને વિદ્યાર્થીઓ સાથે સંવાદ કર્યો અને માનસિક આરોગ્ય, જીવનની કિંમત અને નશામુક્ત જીવન વિશે જાગૃતિ ફેલાવી.
આ પહેલ દ્વારા રાજ્યના હજારો વિદ્યાર્થીઓ સુધી મહત્વપૂર્ણ સંદેશ પહોંચ્યો છે અને યુવાનોને માનસિક રીતે મજબૂત બનવા પ્રેરણા મળી છે.
ભારતના નવા સંસદ ભવન ખાતે વિદિત શર્માએ સાંસદ હરિભાઈ પટેલ સાથે મળીને ભારતના માનનીય શિક્ષણ મંત્રી ધર્મેન્દ્ર પ્રધાન સાથે મુલાકાત કરી.
આ મુલાકાત દરમિયાન દેશભરના વિદ્યાર્થીઓમાં માનસિક આરોગ્ય અંગે જાગૃતિ વધારવા અને “Mind Strong India” તરીકે અભિયાનને રાષ્ટ્રીય સ્તરે આગળ વધારવા અંગે ચર્ચા કરવામાં આવી.
