હેટસન એગ્રો પ્રોડક્ટ લિમિટેડે આંધ્રપ્રદેશના ભીમાવરમમાં તેના 4000માં એચએપી ડેઇલી આઉટલેટના લોન્ચ સાથે રિટેલ ફૂટપ્રિન્ટનો વિસ્તાર કર્યો

• એચએપી ડેઇલી આઉટલેટ્સ હવે તમિલનાડુ, પૉંડિચેરી, આંધ્રપ્રદેશ, તેલંગાણા, કર્ણાટક, મધ્ય પ્રદેશ, છત્તીસગઢ, બિહાર, ઝારખંડ, મહારાષ્ટ્ર, કેરળ, પશ્ચિમ બંગાળ, ઓડિશા, ગુજરાત અને અંદમાન અને નિકોબાર ટાપુઓમાં પણ ઉપલબ્ધ છે

રાષ્ટ્રીય ૧૯ માર્ચ ૨૦૨૫: ભારતની ખાનગી ક્ષેત્રની અગ્રણી ડેરી કંપની હેટસન એગ્રો પ્રોડક્ટ્સ લિમિટેડે આંધ્રપ્રદેશના ભીમાવરમમાં તેનું 4000મું એચએપી ડેઇલી આઉટલેટ ખોલ્યું છે. આ સિદ્ધિ ગ્રાહકોને તાજી અને ઉચ્ચ ગુણવત્તાયુક્ત ડેરી ઉત્પાદનો પ્રદાન કરવાની કંપનીની પ્રતિબદ્ધતાનું પ્રતીક છે.

એચએપી ડેઈલી એક્સક્લુઝિવ સ્ટોર્સ કંપનીની રિટેલ વિસ્તરણ યોજનાનો ભાગ છે. આ સ્ટોર્સમાં અરુણ આઈસ્ક્રીમ, આરોક્ય , હેટસન અને હાનોબાર જેવી બ્રાન્ડ્સની વિવિધ વસ્તુઓ મળશે. આ સ્ટોર્સમાં આઈસ્ક્રીમ, તાજું દૂધ, દહીં, છાશ, પનીર, યોગર્ટ, જ્યુસ, ચોકલેટ, માખણ અને બીજી ઘણી વસ્તુઓ વેચાશે. ગ્રાહકોને સીધું વેચાણ કરવા ઉપરાંત, એચએપી ડેઈલી આઉટલેટ્સ નજીકની રિટેલ દુકાનોને પણ વસ્તુઓ આપશે, જેથી ઉત્પાદનોની ઉપલબ્ધતા વધે અને બ્રાન્ડનો વિસ્તાર વધે.”

4000મું એચએપી ડેઈલી આઉટલેટ ખુલ્લું મુકવાના પ્રસંગે બોલતા, હેટસન એગ્રો પ્રોડક્ટ લિમિટેડના ચેરમેન શ્રી આર.જી. ચંદ્રમોગને કહ્યું,, “આંધ્રપ્રદેશના ભીમાવરમમાં અમારા 4000મા એચએપી ડેઇલી એક્સક્લુઝિવ સ્ટોરનું ઉદઘાટન કંપનીની તાજી, ઉચ્ચ-ગુણવત્તાવાળી ડેરી ઉત્પાદનો ગ્રાહકોની નજીક લાવવાની સફરમાં એક મહત્વપૂર્ણ સીમાચિહ્નરૂપ છે. હેટસન એગ્રોનું ધ્યાન હંમેશા નવીનતા, ગુણવત્તા અને સુલભતા સુનિશ્ચિત કરવા પર રહ્યું છે, સાથે સાથે ડેરી ખેડૂતો અને ફ્રેન્ચાઇઝી ભાગીદારો માટે નવી તકો ઊભી કરવા પર પણ રહ્યું છે.અમે આવા આધુનિક રિટેલ ફોર્મેટ દ્વારા અમારી પહોંચ વધારવા, અમારા વિતરણ નેટવર્કને મજબૂત કરવા અને ગ્રાહકના અનુભવને વધારવાનો હેતુ ધરાવીએ છીએ.”

બજારની પહોંચને વધુ વધારવા માટે, હેટસન એગ્રોએ તાજેતરમાં ડેરી અને આઈસ્ક્રીમ ઉત્પાદનોની વધતી માંગને પહોંચી વળવા, મુખ્ય બજારોમાં વિતરણ નેટવર્કને મજબૂત બનાવવા અને નવીન મૂલ્યવર્ધિત ડેરી ઓફરિંગ સાથે તેના ઉત્પાદન પોર્ટફોલિયોને વધારવા માટે પ્રોસેસિંગ ક્ષમતાઓનું વિસ્તરણ કરવા માટે વ્યૂહાત્મક હસ્તાંતરણ કર્યું છે.
અરુણ આઈસ્ક્રીમ, જે હેટસન એગ્રોની ફ્લેગશિપ બ્રાન્ડ છે, તે એચએપી તરફથી રોજ આખા ભારતમાં વિતરિત થાય છે અને 6 દેશોમાં (સિંગાપોર, સેશેલ્સ, માલદીવ્સ, બ્રુનેઈ, UAE અજમાન અને મોરેશિયસ) નિકાસ થાય છે, જે તેની વૈશ્વિક ઓળખને વધુ મજબૂત કરે છે.

હેટસન એગ્રો હાલના અને નવા બજારોમાં તેની રિટેલ હાજરીનો વિસ્તાર કરવાનું ચાલુ રાખે છે, જેમાં મહારાષ્ટ્ર, કેરળ, ઓડિશા, મધ્યપ્રદેશ, બિહાર, ઝારખંડ, છત્તીસગઢ, ગુજરાત અને આંદામાન નિકોબાર ટાપુઓમાં આગામી આઉટલેટ્સનું આયોજન છે, જ્યારે તમિલનાડુ, કર્ણાટક, આંધ્રપ્રદેશ, તેલંગાણા, પૉંડિચેરી અને ગોવામાં તેની હાજરીને વધુ મજબૂત કરશે.આ સાથે, હેટસન એગ્રો ભારતના ડેરી રિટેલ ક્ષેત્રને બદલવાના તેના વિઝનને મજબૂત કરી રહ્યું છે, જેથી તાજા ડેરી ઉત્પાદનો સરળતાથી ઉપલબ્ધ થાય અને ડેરી ખેડૂતો અને ઉદ્યોગસાહસિકોની આજીવિકાને પણ મદદ મળે.