કેમ્પસ ઍક્ટિવવેરે નવા ‘Move Your Way’ કેમ્પેનમાં વિકી કૌશલ સાથે વર્કપ્લેસના ધારાધોરણોને પડકાર્યા

હાસ્ય અને ઓફિસના જાણીતા પડકારોના માધ્યમથી આ કેમ્પેન દર્શાવે છે કે નવી પેઢી કેવી રીતે મહત્વાકાંક્ષા, કામ અને અંગત જીવન વચ્ચેની સીમાઓ તથા સફળતાને પોતાની શરતે નવેસરથી વ્યાખ્યાયિત કરી રહી છે

અમદાવાદ, ગુજરાત | ૨૬ ઓક્ટોબર ૨૦૨૬ | ભારતની અગ્રણી સ્પોર્ટ્સ અને એથ્લેઝર ફૂટવેર બ્રાન્ડ્સમાંની એક કેમ્પસ ઍક્ટિવવેરે બોલિવૂડ અભિનેતા વિકી કૌશલને દર્શાવતું પોતાનું નવું ઇન્ટિગ્રેટેડ કેમ્પેન રજૂ કર્યું છે, જે તેની બ્રાન્ડ ફિલસૂફી ‘Move Your Way’ને આગળ ધપાવે છે. કોર્પોરેટ ઇન્ડિયાના જાણીતા માહોલમાં રચાયેલું આ કેમ્પેન હાસ્યના માધ્યમથી દર્શાવે છે કે નવી પેઢી કેવી રીતે વર્કપ્લેસની અપેક્ષાઓ વચ્ચે પોતાની અંગત રુચિઓ અને પ્રાથમિકતાઓ માટે પણ જગ્યા બનાવી રહી છે. “એક સાહસિક પગલું દુનિયાને તમારી રાહ પર લાવી શકે છે” એ વિચાર પર આધારિત આ કેમ્પેન ટેલિવિઝન, ઓટીટી અને ડિજિટલ પ્લેટફોર્મ્સ પર રજૂ થશે અને તેને ક્રિએટર-આધારિત કન્ટેન્ટનો પણ સાથ મળશે.

કેમ્પેન વિશે વાત કરતાં કેમ્પસ ઍક્ટિવવેરના ચીફ માર્કેટિંગ ઓફિસર ગૌરવ શર્માએ જણાવ્યું હતું કે, “‘Move Your Way’ હંમેશાં સ્વ-અભિવ્યક્તિ વિશે રહ્યું છે. આ ફિલ્મ સાથે અમે તેને વધુ સાહસિક દિશામાં લઈ જઈ રહ્યા છીએ: પોતાની સીમાઓ જાતે નક્કી કરવાનો અધિકાર. યુવા ભારત મહત્વાકાંક્ષાને પોતાની શરતે નવેસરથી વ્યાખ્યાયિત કરી રહ્યું છે અને કેમ્પસ તેમની પડખે મજબૂતીથી ઊભું રહેવા માગે છે. અમારી નવી ઓળખ પણ એ જ ઊર્જા દર્શાવે છે – વધુ સાહસિક અને વધુ આત્મવિશ્વાસપૂર્ણ, કારણ કે અમે બ્રાન્ડના આગામી અધ્યાયમાં પ્રવેશ કરી રહ્યા છીએ.” 

કેમ્પેન વિશે વાત કરતાં વિકી કૌશલે જણાવ્યું હતું કે, “મને ગમ્યું કે કેમ્પસે રોજિંદા જીવનના એક જાણીતા પાસાને મજેદાર અને અણધાર્યો વળાંક આપ્યો છે. રોહિત કોઈ પણ સંકોચ વગર પોતે જેવો છે તેવો જ રહે છે, અને તેનું પાત્ર ભજવવાની મજા આવી, કારણ કે ઘણા લોકોએ પોતાની ઓફિસમાં જે પરિસ્થિતિઓ અનુભવી હશે, તેમાં તે હાસ્ય લાવે છે. આ ફિલ્મ પોતાને વધુ પડતી ગંભીરતાથી લીધા વિના, હળવાશભર્યા અંદાજમાં ‘Move Your Way’ની ભાવનાને રજૂ કરે છે.”

રવિવારે આવતા ઓફિસ કોલ્સ અને ઓફિસના વણલખ્યા નિયમો જેવી જાણીતી પરિસ્થિતિઓના આધારે આ કેમ્પેન વ્યાવસાયિક જવાબદારીઓ અને અંગત પ્રાથમિકતાઓ વચ્ચેની રોજિંદી ખેંચતાણને રજૂ કરે છે. એક કર્મચારી અને તેના બોસ વચ્ચેના રમૂજી સંવાદ દ્વારા કેમ્પસ વર્કપ્લેસની આ પરિચિત સ્થિતિને એવી વાર્તામાં ફેરવે છે, જે અપેક્ષાઓ સામે સવાલ ઉઠાવવાની અને વસ્તુઓને અલગ રીતે કરવાનો આત્મવિશ્વાસ મેળવવાની વાત કરે છે.

કેમ્પેન ફિલ્મની લિંક – https://www.instagram.com/p/DeyIMXTS7M8/

કેમ્પેન ફિલ્મ એક કોર્પોરેટ બોર્ડરૂમમાં આકાર લે છે, જ્યાં વિકી કૌશલ રોહિત નામના એક કર્મચારીની ભૂમિકા ભજવે છે, જે રવિવારની મીટિંગનો પોતાનો જ અર્થ કાઢે છે. પોટરી અને ફિટનેસથી લઈને અચાનક યોજાયેલી પાર્ટી સુધી, રોહિતની હરકતોથી તેનો બોસ વધુને વધુ અકળાય છે. જ્યારે બોસ તેની પેઢી પર કોઈ મર્યાદા ન હોવાનો આરોપ મૂકે છે, ત્યારે રોહિત એક ધારદાર જવાબથી એ આરોપ તેના પર જ પાછો વાળી દે છે: જો તેની પાસેથી રવિવારે ઓફિસ આવવાની અપેક્ષા રાખવામાં આવે, તો તે પોતાની રવિવારની પ્રવૃત્તિઓ પણ સાથે જ લઈ આવશે. કેમ્પસ ફૂટવેર પહેરીને રોહિત પોતાના મિત્રો સાથે નીકળી જાય છે ત્યારે આ સંવાદ જ ફિલ્મની મુખ્ય પંચલાઇન બની રહે છે.

આ કેમ્પેન સાથે ‘Move Your Way’ની ફિલસૂફી પર આધારિત કેમ્પસની નવી વિઝ્યુઅલ આઇડેન્ટિટીનું પણ પદાર્પણ થઈ રહ્યું છે. આ ઓળખ ગતિ, વ્યક્તિત્વ, સ્વતંત્રતા અને પોતાની દિશા જાતે નક્કી કરવાનું પ્રતીક છે; તેની ડાયનેમિક રેખાઓ અને બહારની તરફ ઇશારો કરતાં તીર એ માન્યતાને પ્રતિબિંબિત કરે છે કે વિકાસ કે સ્વ-અભિવ્યક્તિનો કોઈ એક જ માર્ગ નથી. તે પોતાની સફર જાતે નક્કી કરતી પેઢી પ્રત્યે કેમ્પસની પ્રતિબદ્ધતાને સાકાર કરે છે.

કેમ્પેનને આગળ વધારતાં, કેમ્પસ ક્રિએટર્સને કામ, મહત્વાકાંક્ષા, વીકએન્ડ, અંગત રુચિઓ અને સીમાઓ અંગેના પોતાના દૃષ્ટિકોણ સાથે આ વ્યાપક સાંસ્કૃતિક ચર્ચામાં જોડાવા આમંત્રણ આપી રહ્યું છે. રોજિંદા અનુભવોથી પ્રેરિત ક્રિએટર-આધારિત કન્ટેન્ટ દ્વારા આ પહેલ દર્શકોને #MoveYourWay નો ઉપયોગ કરીને કેમ્પેનના વિચાર અંગેનું પોતાનું અર્થઘટન અને તેમના માટે ‘Move Your Way’નો અર્થ શું છે તે શેર કરવા પ્રોત્સાહિત કરશે.

== સમાપ્ત ==