બેનેલી ઇન્ડિયાએ TRK 552 અને TRK 552X લોન્ચ કરી, TRK વારસામાં ઉમેરાયાં વધુ પાવર, ટેકનોલોજી અને એડવેન્ચર

» 2026 બેનેલી TRK રેન્જમાં 52 bhp અને 49 Nm ઉત્પન્ન કરતું 554cc પેરેલલ-ટ્વિન એન્જિન, સાથે સિક્સ-સ્પીડ ગિયરબોક્સ અને સ્લિપર ક્લચ

» 2027 માટે નવું: TRK ADV મોડલ્સમાં બ્લૂટૂથ, નેવિગેશન અને T-BOX કનેક્ટિવિટી સાથે 5-ઇંચ TFT ડિસ્પ્લે, ઉપરાંત હીટેડ ગ્રિપ્સ અને સીટ

» TRK 552માં 17-ઇંચ એલોય વ્હીલ્સ, જ્યારે TRK 552Xમાં 19-ઇંચ સ્પોક વ્હીલ્સ, 210 mm ગ્રાઉન્ડ ક્લિયરન્સ અને એડવેન્ચર-સ્પેક ટાયર્સ 

હૈદરાબાદ, ભારત | ૨૩મી ઓક્ટોબર ૨૦૨૬ | ભારતની અગ્રણી સુપરબાઇક ઉત્પાદક કંપનીઓમાંની એક બેનેલી ઇન્ડિયાએ આજે બે નવી મોટરસાઇકલ TRK 552 – ટાર્મેકને ધ્યાનમાં રાખીને બનેલી, અને TRK 552X – ટાર્મેકથી આગળ જવા માટે બનેલી લોન્ચ કરવાની જાહેરાત કરી. આ સાથે કંપનીએ તેના લોકપ્રિય TRK એડવેન્ચર-ટૂરિંગ પ્લેટફોર્મને સર્વાંગી બદલાવ સાથે નવા તબક્કામાં પહોંચાડ્યું છે.

બેનેલી TRK 552 અને TRK 552X 22 ઓક્ટોબર 2026થી દેશભરની અધિકૃત બેનેલી કીવે ડીલરશિપ પર ઉપલબ્ધ થશે. TRK 552ની કિંમત ₹7,22,000/- અને TRK 552Xની કિંમત ₹7,74,000/- રાખવામાં આવી છે. TRK 552X લિમિટેડ એડિશનની કિંમત ₹7,90,000/- છે (તમામ કિંમતો એક્સ-શોરૂમ, ભારત). બુકિંગ 22 ઓક્ટોબર 2026થી અધિકૃત બેનેલી કીવે ડીલરશિપ મારફતે શરૂ થશે.

બંને મોટરસાઇકલ અલગ-અલગ રાઇડિંગ જરૂરિયાતોને ધ્યાનમાં રાખીને વિકસાવવામાં આવી છે. TRK 552 મુખ્યત્વે પાકા રસ્તાઓ પર ફરતા અને લાંબા અંતરની ટૂરિંગ કરતા રાઇડર્સ માટે ડિઝાઇન કરાઈ છે, જ્યારે TRK 552X સ્પોક વ્હીલ્સ, વધુ ગ્રાઉન્ડ ક્લિયરન્સ અને ઓફ-રોડને વધુ અનુકૂળ વ્હીલ અને ટાયર કોન્ફિગરેશન સાથે પ્લેટફોર્મની એડવેન્ચર ક્ષમતાને વધુ આગળ લઈ જાય છે, બરાબર તેની પુરોગામી TRK 502 અને TRK 502Xની જેમ.

TRKના સ્થાપિત ટૂરિંગ DNAને આગળ ધપાવતાં નવી પેઢીમાં 554cc લિક્વિડ-કૂલ્ડ પેરેલલ-ટ્વિન એન્જિન સાથે સુધારેલું ચેસિસ હાર્ડવેર, અપગ્રેડેડ રાઇડર ટેકનોલોજી અને ટૂરિંગ-કેન્દ્રિત ફીચર્સનો વ્યાપક સમૂહ આપવામાં આવ્યો છે. નવું એન્જિન 8,500 rpm પર 52 bhp પાવર અને 6,500 rpm પર 49 Nm ટોર્ક આપે છે. એન્જિનને સિક્સ-સ્પીડ ટ્રાન્સમિશન અને સ્લિપર ક્લચ સાથે જોડવામાં આવ્યું છે, જેથી રાઇડર્સને દમદાર પર્ફોર્મન્સની સાથે ડાઉનશિફ્ટ દરમિયાન વધુ સ્મૂધ કંટ્રોલ મળે છે.

અપડેટેડ TRK પ્લેટફોર્મમાં વધુ વ્યાપક રાઇડર ઇન્ટરફેસ પણ આપવામાં આવ્યું છે, જેમાં 5-ઇંચ TFT ડિસ્પ્લે, બ્લૂટૂથ કનેક્ટિવિટી, નેવિગેશન અને T-BOX કનેક્ટિવિટી સામેલ છે. તેનાથી કોકપિટ પહેલાં કરતાં ઘણું વધુ ઉપયોગી બન્યું છે. જે રાઇડર્સ માટે ટૂરિંગનો અર્થ માત્ર અંતર કાપવું નથી, તેમના માટે નવી TRK 552 અને TRK 552X ટેકનોલોજી, આરામ અને ક્ષમતાનો સમન્વય લાવે છે, જેથી સફર પોતે જ અનુભવનો અભિન્ન હિસ્સો બની જાય.

લોન્ચ પ્રસંગે બેનેલી ઇન્ડિયાના મેનેજિંગ ડિરેક્ટર શ્રી વિકાસ ઝાબખે જણાવ્યું હતું કે, “TRK નામ ટૂરિંગ અને નવા રસ્તાઓ ખૂંદવાની ભાવનાનો પર્યાય બની ગયું છે, અને નવી TRK 552 તથા TRK 552X આ ફિલસૂફીને નવી પેઢીમાં લઈ જાય છે. લાંબા અંતરની મુસાફરી કરતા રાઇડર્સ માટે સૌથી વધુ મહત્ત્વ ધરાવતા પર્ફોર્મન્સ, આરામ, કંટ્રોલ, ટેકનોલોજી અને બહુમુખી ક્ષમતા જેવા પાસાઓ પર અમે ધ્યાન કેન્દ્રિત કર્યું છે. નવા 554cc એન્જિન, અપગ્રેડેડ ચેસિસ કમ્પોનન્ટ્સ, કનેક્ટેડ ફીચર્સ અને બહેતર ટૂરિંગ સાધનો સાથે નવી TRK 552 ફેમિલી રાઇડર્સને વધુ દૂર સુધી ફરવાની આઝાદી આપવા માટે ડિઝાઇન કરવામાં આવી છે, પછી ભલે તેમની સફર હાઇવે સુધી સીમિત રહે કે તેનાથી પણ આગળ લઈ જાય.”

નવી TRK 552 અને TRK 552Xને ટ્યુબ્યુલર સ્ટીલ ટ્રેલિસ ફ્રેમ અને એલ્યુમિનિયમ સ્વિંગઆર્મ પર વિકસાવવામાં આવી છે, જેની સાથે 50 mm માર્ઝોકી USD ફ્રન્ટ ફોર્ક અને પ્રીલોડ-એડજસ્ટેબલ રિયર મોનો શોક આપવામાં આવ્યા છે. આ સસ્પેન્શન કોમ્બિનેશન સ્થિરતા આપવાની સાથે રાઇડર્સને રાઇડિંગની પરિસ્થિતિ અને લોડ મુજબ મોટરસાઇકલનું સેટઅપ ગોઠવવાની સુવિધા આપે છે. બ્રેકિંગ માટે ટ્વિન 320 mm ફ્લોટિંગ ફ્રન્ટ ડિસ્ક અને 260 mm રિયર ડિસ્ક આપવામાં આવી છે, જેને બોશ ડ્યુઅલ-ચેનલ ABSનો સપોર્ટ મળે છે.

અપડેટેડ TRK રેન્જને મોટું ટેકનોલોજી અપગ્રેડ મળ્યું છે, જેના કેન્દ્રમાં છે તેનું 5-ઇંચ TFT ઇન્સ્ટ્રુમેન્ટ ક્લસ્ટર. આ સિસ્ટમમાં બ્લૂટૂથ કનેક્ટિવિટી અને નેવિગેશન છે, જે રૂટ પ્લાનિંગ, ટર્ન-બાય-ટર્ન ડાયરેક્શન્સ, ઓફલાઇન નેવિગેશન, સ્માર્ટફોન ઇન્ટિગ્રેશન અને ટ્રેકબેક ફંક્શન માટે જરૂરી છે. બંને વેરિઅન્ટ્સમાં ટાયર પ્રેશર મોનિટરિંગ સિસ્ટમ (TPMS) આપવામાં આવી છે, જે રાઇડર્સને ટાયર પ્રેશરની માહિતી આપે છે અને અસામાન્ય પ્રેશર જણાય ત્યારે એલર્ટ કરે છે. પરિણામે એક એવું કોકપિટ તૈયાર થયું છે, જે જરૂરી માહિતી અને કનેક્ટેડ ફીચર્સને સીધા રાઇડરની નજર સામે રાખે છે અને સાથે જ લાંબા અંતરની એડવેન્ચર મોટરસાઇકલ પાસેથી અપેક્ષિત વ્યવહારુપણું પણ જાળવી રાખે છે.

લાંબા અંતરે આરામ એ નવી TRK 552 ફેમિલીની આગવી ઓળખ છે. બંને મોટરસાઇકલમાં હીટેડ ગ્રિપ્સ અને હીટેડ સીટ સાથે વધારાના પેડિંગવાળી નવી ડિઝાઇનની ડબલ-થ્રેડેડ સીટ્સ આપવામાં આવી છે. એડજસ્ટેબલ હેન્ડલબારની મદદથી રાઇડર્સ પોતાની રાઇડિંગ પોઝિશન પોતાની અનુકૂળતા મુજબ ગોઠવી શકે છે, જ્યારે નવી ડિઝાઇનના હેન્ડ ગાર્ડ્સ હાથને વધારાનું રક્ષણ આપે છે. 20-લિટરની ફ્યુઅલ ટેન્ક આ મોટરસાઇકલના ટૂરિંગ હેતુને વધુ મજબૂત બનાવે છે, જ્યારે રાઇડર-કેન્દ્રિત એર્ગોનોમિક્સ અને આરામનો સમન્વય લાંબી સફરમાં થાક ઘટાડવા માટે તૈયાર કરવામાં આવ્યો છે.

TRK 552 અને TRK 552Xમાં મુખ્ય એન્જિન, બ્રેક્સ, ઇલેક્ટ્રોનિક્સ અને કમ્ફર્ટ પેકેજ એકસરખાં છે, પરંતુ તેમનાં ચેસિસ કોન્ફિગરેશન અલગ-અલગ રાઇડિંગ પ્રાથમિકતાઓ દર્શાવે છે. TRK 552માં 17-ઇંચ એલ્યુમિનિયમ એલોય વ્હીલ્સ આપવામાં આવ્યા છે, જેની સાથે 120/70ZR17 પિરેલી ફ્રન્ટ અને 160/60ZR17 પિરેલી રિયર ટાયર્સ છે. તેનું 190 mm ગ્રાઉન્ડ ક્લિયરન્સ અને 835 mm સીટ હાઇટ રોડ-કેન્દ્રિત ટૂરિંગને ધ્યાનમાં રાખીને નક્કી કરાયાં છે, જે લાંબા અંતરની ક્ષમતા અને રોજિંદા ઉપયોગ વચ્ચે સંતુલન જાળવે છે.

સ્પોક વ્હીલ્સ, 19-ઇંચ ફ્રન્ટ વ્હીલ અને 17-ઇંચ રિયર વ્હીલ, તેમજ મેટ્ઝલર 110/80R19 ફ્રન્ટ અને 150/70R17 રિયર ટાયર્સ સાથે TRK 552X આ પ્લેટફોર્મને એડવેન્ચરની દુનિયામાં વધુ આગળ લઈ જાય છે. તેનું 210 mm ગ્રાઉન્ડ ક્લિયરન્સ અને 860 mm સીટ હાઇટ પાકા રસ્તાઓથી આગળ જવા ઇચ્છતા રાઇડર્સને વધારાનું ક્લિયરન્સ અને એડવેન્ચરને અનુરૂપ સ્ટાન્સ આપે છે.

== સમાપ્ત ==