પંઢરપુરનો ગજર હવે દેશભરમાં; રાહુલ દેશપાંડેની ‘અભંગવારી ૨૦૨૬’

અમદાવાદ, ગુજરાત | ૧૬ જૂન ૨૦૨૬ | સંત તુકારામ, સંત જ્ઞાનેશ્વર, સંત નામદેવ અને સંત એકનાથના અભંગોએ સદીઓથી ભક્તિ, સમતા, પ્રેમ અને આધ્યાત્મિકતાનો માર્ગ દર્શાવ્યો છે. હવે આ જ સંતવાણી પ્રખ્યાત ગાયક રાહુલ દેશપાંડેના સ્વરમાં દેશભરના રસિકો સુધી પહોંચવા જઈ રહી છે. ‘અભંગવારી ૨૦૨૬’ માત્ર સંગીત કાર્યક્રમોની શ્રેણી નથી, પરંતુ મહારાષ્ટ્રની સમૃદ્ધ સંતપરંપરાનો રાષ્ટ્રીય ઉત્સવ છે.

આ ભવ્ય સંગીતયાત્રાની શરૂઆત ૨૦ જૂન ૨૦૨૬ના રોજ પિમ્પરી-ચિંચવડથી થશે, ત્યારબાદ ૨૧ જૂને ઇન્દોર, ૨૭ જૂને હૈદરાબાદ, ૨૮ જૂને દિલ્હી, ૩ જુલાઈએ બેંગલુરુ, ૪ જુલાઈએ બેંગલુરુમાં ‘અભંગવારી – સકાલ વિઠ્ઠલાચી’, ૧૧ જુલાઈએ અમરાવતી, ૧૨ જુલાઈએ નાગપુર, ૧૮ જુલાઈએ મુંબઈ, ૧૯ જુલાઈએ નાશિક, ૨૫ જુલાઈએ પુણે, ૧ ઓગસ્ટે અમદાવાદ અને ૨ ઓગસ્ટે વડોદરામાં યોજાશે. આ રીતે કુલ ૧૩ શહેરોમાં અભંગવારીનો પવિત્ર નાદ ગુંજશે.

મહારાષ્ટ્રની સરહદો પાર કરીને મધ્ય પ્રદેશ, તેલંગાણા, દિલ્હી, કર્ણાટક અને ગુજરાત સુધી પહોંચનારી આ યાત્રા ભક્તિ, સંગીત અને આધ્યાત્મિકતાનો અનોખો સંગમ સર્જશે. દરેક શહેરમાં સંતવાણીના અમર સંદેશને રાહુલ દેશપાંડે પોતાના સ્વરો દ્વારા જીવંત બનાવશે અને હજારો રસિકોને અભંગોની અલૌકિક અનુભૂતિ કરાવશે.

રાહુલ દેશપાંડેની ‘અભંગવારી’ આજે માત્ર મહારાષ્ટ્ર પૂરતી મર્યાદિત રહી નથી, પરંતુ સમગ્ર દેશના સંગીતપ્રેમીઓની બની ગઈ છે.

૧૩ શહેરો. ૧૩ કાર્યક્રમો. એક જ સંદેશ.

સંતવાણી અમર છે અને પંઢરપુરનો ગજર હવે દેશભરમાં ગુંજવાનો છે.

== સમાપ્ત ==